Nova cepa do VIH propagándose por Cuba.

Unha nova cepa do VIH nalgúns pacientes en Cuba parece ser moito máis agresiva e pode desenvolver a SIDA dentro dos tres anos da infección. Os investigadores dixeron que a progresión acontece tan rápido que o tratamento con fármacos antirretrovirais pode chegar demasiado tarde.
Sen tratamento, a infección polo VIH polo xeral tarda entre 5 a 10 anos para desenvolver a SIDA. Segundo o estudo, publicado na revista EBioMedicine, os autores foron alertados da nova cepa agresiva de VIH por parte de funcionarios da saúde cubanos que querían saber que estaba a pasar.
Ningún dos pacientes recibira tratamento para o virus, e todos os pacientes infectados coa cepa mudada do VIH desenvolveron a SIDA dentro dos tres anos.

A rápida progresión do VIH a SIDA é xeralmente o resultado dun sistema inmunolóxico débil do paciente máis o subtipo particular de VIH circulante, o que está a pasar en Cuba é diferente.
En Cuba encontraron unha variante do VIH que encontramos só no grupo que foi progresando rápido e non nos outros dous grupos. Analizando esta variante viron que se trataba dunha recombinante de tres subtipos diferentes.
A nova variante, chamada CRF19, é unha combinación de subtipos do VIH A, D e G.
O VIH normalmente infecta as células uníndose ao que se chama un co-receptor, e a transición cara á SIDA polo xeral acontece cando o virus, despois de moitos anos, cambia de co-receptor (CCR5 por CXCR4). A nova cepa fai este cambio de co-receptor moito máis rápido.
A variante non é nova e xa se observara en África, pero en moi poucos casos fora estudado a fondo. Os investigadores dixeron que a cepa é máis estendida en Cuba. Hai que recordar que Cuba mantén un grande intercambio con numerosos países de África o que pode explicar a alta incidencia desta cepa na illa.
Mentres que a forma agresiva de VIH responde á maioría dos medicamentos antirretrovirais, as persoas non se decatan que teñen SIDA ata que é demasiado tarde para que o tratamento poida ter éxito. Os autores sinalaron que é vital para as persoas que teñen relacións sexuais sen protección con múltiples parellas facerse a proba de VIH temperán e con frecuencia.

Os cans distinguen os nosos estados de ánimo.

Os cans habituados aos seres humanos poden diferenciar entre as diversas expresións das persoas e non só dos seus donos, senón tamén de descoñecidos, aínda que por agora o misterio é se realmente entenden o significado destas, informan científicos austríacos na publicación Current Biology.

En estudos anteriores xa se constatara que os cans prestan unha especial atención ao rostro dos seres humanos e diferencian entre rostros de coñecidos e descoñecidos. Para estudar a percepción dos cans, os científicos da Universidade de Veterinaria de Viena mostráronlles aos animais a parte superior do rosto de persoas enfadadas ou alegres nunha pantalla táctil.
Algúns cans tiñan que recoñecer aos que estaban alegres, outros só os rostros anoxados e premiábaselles cando o facían ben. Posteriormente os animais tiñan que recoñecer esa mímica noutras imaxes. O obxectivo dos científicos era asegurarse que os animais non só se orientan vendo determinadas faccións como os ollos.

«O noso estudo demostra que os cans poden distinguir entre rostros de enfado ou alegres en persoas», explicou o autor da investigación Ludwig Huber. Ademais, existen indicios que apuntan que os cans consideran un rostro sorrinte como positivo e un xesto de anoxo como negativo.

Os cans que ao inicio recoñeceron rostros enfadados aprenderon moito máis lentamente, apuntou ademais o científico.